മുഖ്യ തെരഞ്ഞെടുപ്പ് കമ്മീഷണർ രാജിവെയ്ക്കണം; കേരള മഹിളാസംഘം പ്രതിഷേധിച്ചു
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെയ്ക്കണമെന്ന് ആവശ്യപ്പെട്ട് കേരള മഹിളാസംഘം കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. ജനാധിപത്യത്തെ അട്ടിമറിച്ചെന്നാരോപിച്ചായിരുന്നു പ്രതിഷേധം.കേരള മഹിളാസംഘം സംസ്ഥാന പ്രസിഡന്റ് അഡ്വ. പി. വസന്തം പ്രതിഷേധ പരിപാടി ഉദ്ഘാടനം ചെയ്തു. ടി. ഭാരതി സ്വാഗതം പറഞ്ഞു. റീന മുണ്ടേങ്ങാട്ട് അധ്യക്ഷത വഹിച്ചു.റീന സുരേഷ്, കല്യാണി ടീച്ചർ, ആശ ശശാങ്കൻ എന്നിവർ പ്രതിഷേധത്തിന് അഭിവാദ്യങ്ങളർപ്പിച്ച് സംസാരിച്ചു.
